Սաակաշվիլին բանտում հացադուլ է հայտարարել
Վրաստանի նախկին նախագահ Միխայիլ Սաակաշվիլին, ով ուրբաթ օրը ձերբակալվել էր իր հայրենիքում, հացադուլ է հայտարարել եւ հանդիպում է պահանջում Ուկրաինայի հյուպատոսի հետ։
Այդ մասին լրագրողներին հայտնել է Վրաստանի մարդու իրավունքների պաշտպան Նինո Լոմջարիան ՝ նախկին նախագահի հետ հանդիպումից հետո:
«Երբ ես ներս մտա, Սահակաշվիլին բժշկի մոտ էր և բուժզննում էր անցնում: Հետո մեզ հնարավորություն տրվեց զրուցել խցում: Միխայիլ Սաակաշվիլին ասաց, որ հացադուլ է հայտարարում»,- ասել է Լոմջարիան:
Նա հավելել է, որ Սաակաշվիլին իրեն համարում է քաղբանտարկյալ:
«Սաակաշվիլին համաձայն չէ իր նկատմամբ նշանակված պատժամիջոցների հետ և իրեն համարում է քաղբանտարկյալ»,- նշել է Լոմջարիան:
Կարծիքներ