Բարին ընդ ձեզ, սիրելի դիմորդներ, բարի երթ դեպի մեծ , անկանխատեսելի , բայց անչափ գեղեցիկ կյանք. Լիլիթ Ստեփանյան
ԱԺ «Իմ քայլը» խմբակցության պատգամավոր Լիլիթ Ստեփանյանը ֆեյսբուքյան իր էջում գրում է.
«Սիրելի դիմորդներ
Վաղը ձեզանից շատերն առաջին ու կարևոր քայլը կանեն դեպի մեծ կյանք` դնելով սեփական ապագայի, մեծ ու փոքր ընտանիքի նպատակների, իղձերի իրականացման, ուսուցիչների անսահման ջանքերի ամփոփման անկյունաքարը։ Թե որքան կարևոր եք դուք և ձեր գիտելիքները նախընտրած մասնագիտությունների կայացման գործընթացում, անքննելի է։ Գուցե հենց դուք պետք է նոր խոսք ասեք , նոր ծրագիր գրեք, նոր գյուտերի հեղինակ դառնաք` բերելով նաև ձեր ներդրումը ոչ միայն տվյալ ոլորտում, այլև պետության զարգացման ու առաջխաղացման գործում։ Ձեզանից շատերի անունը տարիներ անց մեզնից շատերն անգիր կիմանան, հպարտությամբ կարտաբերեն, քանի որ դուք եք հասարակության շարժիչ ուժն ու պետության արդիականացման ալիքաձև զարգացմանը տեմպ տվողները։
Հաջողությունը թող բոլորիդ ուղեկցի վաղն ու միշտ, թող իրականություն դառնան բոլորիդ իղձերը։
Վարձքներդ կատար, սիրելի ուսուցիչներ...
Բարին ընդ ձեզ, սիրելի դիմորդներ, բարի երթ դեպի մեծ , անկանխատեսելի , բայց անչափ գեղեցիկ կյանք»,-գրել է նա: ։
Կարծիքներ