Բայդենի խորհրդականը բարձր է գնահատել Թուրքիայի և Իսրայելի միջև դիվանագիտական հարաբերությունների հաստատումը
ԱՄՆ նախագահի ազգային անվտանգության հարցերով խորհրդական Ջեյք Սալիվանը բարձր է գնահատել Թուրքիայի և Իսրայելի միջև դիվանագիտական հարաբերությունների վերջնական վերականգնումը։ Այս մասին նա չորեքշաբթի օրը հայտնել է Twitter-ի իր էջում։
«Ես ողջունում եմ այսօրվա հայտարարությունը, որ Իսրայելը և Թուրքիան լիովին վերականգնում են դիվանագիտական հարաբերությունները: Այս քայլը ավելի մեծ անվտանգություն, կայունություն և բարգավաճում կբերի ինչպես նրանց ժողովուրդներին, այնպես էլ ողջ տարածաշրջանին», - ասել է Սալիվանը:
Չորեքշաբթի օրը Իսրայելի վարչապետի գրասենյակը հայտարարել է Թուրքիայի և Իսրայելի միջև դիվանագիտական հարաբերությունների ամբողջական վերականգնման մասին։ Այդ տեղեկությունն այնուհետեւ հաստատել է Թուրքիայի արտգործնախարար Մեւլութ Չավուշօղլուն՝ նշելով, որ Անկարան որոշել է Թել Ավիվում իր դեսպանին նշանակել։
Կարծիքներ