Մեծ Բրիտանիայում կոկաինի առգրավման պատմության մեջ հայտնաբերվել է ամենամեծ խմբաքանակը
Մեծ Բրիտանիայի իրավապահները 2.3 տոննա կոկաին են հայտնաբերել Կոլումբիայից ժամանած բանանի արկղերի մեջ: Այս մասին տեղեկացնում է The Times պարբերականը:
Նշվում է, որ բեռի՝ օդանավակայան ժամանումից անմիջապես հետո կոկաինն առգրավվել է:
Այս գործի կապակցությամբ քննություն է սկսվել: Ձերբակալվել է 21-56 տարեկան 10 տղամարդ:
Հանցավորության դեմ պայքարի ազգային գործակալությունը հայտնել է, որ հայտնաբերված կոկաինի արժեքը գնահատվում է 184 մլն ֆունտ սթեռլինգ: Սա Մեծ Բրիտանիայում կոկաինի առգրավման պատմության մեջ ամենախոշոր խմբաքանակն է:
Կարծիքներ