ԱՄՆ-ն Թայվան է ուղարկել COVID-19-ի դեմ պատվաստանյութի 2,5 միլիոն դեղաչափ

ԱՄՆ իշխանությունները Թայվան են ուղարկել COVID-19-ի դեմ պատվաստանյութի 2,5 միլիոն դեղաչափ: Այս մասին Twitter-ի իր էջում հայտարարել է ԱՄՆ պետքարտուղարության պաշտոնական ներկայացուցիչ Նեդ Փրայսը:

«Գնացի՛նք: Մեր նվիրած 2,5 միլիոն դեղաչափերն արդեն Թայվանի ճանապարհին են, որի՝ առողջապահական ոլորտի համագործակցությունն ԱՄՆ-ի հետ օգնել է կյանքեր փրկել այնտեղ և ամբողջ աշխարհում», – գրել է Փրայսը:

Wheels up! Our donation of 2.5 million vaccine doses is on the way to Taiwan, whose health partnership with the U.S. helped save lives here and around the world. @StateDept is proud to support @POTUS’ commitment to help the world defeat COVID-19. pic.twitter.com/J0rgy753bs

— Ned Price (@StateDeptSpox) June 19, 2021

Իր հերթին, Թայվանի ղեկավար Ցաի Ինգ-Վենը շնորհակալություն է հայտնել ԱՄՆ-ին «բարեկամության հուզիչ ժեստի» համար:

«Այս պատվաստանյութերը մեծապես կօգնեն պահպանել թայվանցիների ապահովությունն ու առողջությունը», – գրել է նա: