Կողբ գյուղի «Ղիասի քար» կոչվող հանդամասում այրվել է մոտ 25 հա խոտածածկույթ
Տավուշի մարզային ճգնաժամային կառավարման կենտրոնը սեպտեմբերի 17-ի ժամը 14։46-ին ահազանգ է ստացել, որ Հաղթանակ գյուղում այրվում է խոտածածկույթ:
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է Կողբ գյուղի «Ղիասի քար» կոչվող հանդամասում:
Հրդեհը մեկուսացվել է ժամը 15:40-ին, մարվել՝ 16:06-ին: Այրվել է մոտ 25 հա խոտածածկույթ:
Կարծիքներ