Մասաչուսեթսում ձյան տեղումների պատճառով առանց էլեկտրականության է մնացել գրեթե 114 հազար մարդ

 Շաբաթ օրը Մասաչուսեթս նահանգում մոտ 114 հազար մարդ մնացել է առանց էլեկտրականության ձնաբքի պատճառով, որը հարվածել է ԱՄՆ-ի Արևելյան ափին, համաձայն Poweroutage.us պորտալում հրապարակված տվյալների։

Տեղական ժամանակով ժամը 11:30-ին ավելի քան 113,9 հազար մարդ բախվել է էլեկտրաէներգիայի անջատմանը: Ամենադժվար իրավիճակը ձևավորվում է ափամերձ շրջաններում, որտեղ քամու հանկարծակի պոռթկումների պատճառով ջրհեղեղներ են սկսվել, սպառողների մոտ 40%-ը մնացել է առանց էլեկտրականության։

Նահանգի որոշ շրջաններում մեկ օրում ավելի քան 30 սմ ձյուն է տեղացել։ Ըստ կանխատեսման՝ ցերեկային ժամերին ամեն ժամ կտեղան մոտ 5 սմ տեղումներ, որոնք կուղեկցվեն քամու պոռթկումներով՝ մինչև 34 մ/վրկ։

«Առաջիկա ժամերին ճանապարհորդությունը կլինի աներևակայելի վտանգավոր կամ գրեթե անհնարին»,- նախազգուշացրել է ԱՄՆ Ազգային Եղանակային ծառայությունը նահանգի մայրաքաղաք Բոստոնի բնակիչներին։

Եղանակի կանխատեսումների համաձայն՝ առատ ձյունը, ցածր ջերմաստիճանը և քամու կտրուկ պոռթկումները երկրի հյուսիս-արևելքում մինչև հաջորդ շաբաթվա սկիզբ կշարունակվեն։ Որոշ շրջաններում ձյան ծածկույթի խորությունը կարող է գերազանցել 60 սմ-ը։