ԵՄ դեսպանները համաձայնության չեն եկել Ռուսաստանի դեմ նավթային էմբարգոյի ավելի թեթեւ տարբերակի շուրջ

ԵՄ-27-ի մշտական ​​ներկայացուցիչների կոմիտեն չկարողացավ փոխզիջման հասնել Ռուսաստանի դեմ նավթային էմբարգոյի ավելի թեթեւ տարբերակի շուրջ, որը նախատեսում է միայն ծովով նավթի մատակարարումների արգելք, ԵՄ գագաթնաժողովից առաջ հրավիրված արտակարգ նիստում։ Այս մասին կիրակի օրը հայտնել է Բրյուսելում ԵՄ կառույցների աղբյուրը: Նա նաև հասկացրել է, որ ԵՄ գագաթնաժողովում քիչ հավանական է նաև նավթի էմբարգոյի վերաբերյալ որոշումը, որը Ռուսաստանի դեմ պատժամիջոցների վեցերորդ փաթեթի նախագծի մաս է կազմում։

Նա հույս է հայտնել, որ եթե ԵՄ առաջնորդները մայիսի 30-31-ի գագաթնաժողովում չկարողանան համաձայնության գալ Ռուսաստանի դեմ պատժամիջոցների վեցերորդ փաթեթի շուրջ, ապա դա առնվազն «դրական դինամիկա կստեղծի այս ուղղությամբ»։ «Հունիսի վերջին, ամեն դեպքում, կլինի ԵՄ հերթական գագաթնաժողովը»,- հավելել է նա։