Նիգերիայում 160 ուղևորով նավ է շրջվել. տասնյակ մարդիկ անհայտ կորած են
Նիգերիայում տասնյակ մարդիկ անհետ կորել են 160 ուղևոր տեղափոխող նավի շրջման պատճառով: Այս մասին տեղեկացնում է ՏԱՍՍ գործակալությունը` հղում տալով Agence France-Presse-ին:
Մինչ այժմ գտնվել է միայն 22 ողջ մնացած ուղևոր, մեկ մարդ մահացել է, ասել է Քեբբի նահանգի Նգասկի տեղական ինքնակառավարման մարմնի խոսնակ Աբդուլլահի Բուխարի Վարան: Նա հավելել է, որ ևս 140 ուղևորների որոնումը շարունակվում է:
Հաղորդվում է նաև, որ նավը չպետք է 80-ից ավելի մարդ նստեր:
Կարծիքներ