Հանրապետության հրապարակի շատրվանների ջրային համակարգի վերանորոգման աշխատանքները կավարտվեն մայիսի վերջին
Հանրապետության հրապարակում վերականգնվում է երաժշտական շատրվանների ջրային համակարգը, իրականացվում են ստորգետնյա աշխատանքներ:
Այս մասին ասաց Երևանի քաղաքապետի մամուլի խոսնակ Հակոբ Կարապետյանը:
«Այդ աշխատանքներն իրականացվում են Երևանի քաղաքապետարանի ծրագրով: Բացի դրանից, այդ գործընթացից հետո քանդված հատվածը կրկին պետք է սալիկապատվի: Այդ տարածքի վերանորոգման աշխատանքները կավարտվեն մայիսի վերջին»,- նշեց Կարապետյանը:
2021 թվականին Հանրապետության հրապարակի շատրվանների երաժշտական ծրագիրը վերանայվել է:
Կարծիքներ