Գերդրամատիկ խաղի լրացուցիչ ժամանակում Իսպանիան հաղթեց Խորվաթիային և դուրս եկավ 1/4 եզրափակիչ

Իսպանիայի հավաքականը Կոպենհագենում կայացած խաղի լրացուցիչ ժամանակում կարողացավ կոտրել Խորվաթիայի ընտրանուն: Խաղի հիմնական ժամանակն ավարտվեց 3:3 հաշվով, ըդնորում  մինչև 85-րդ րոպեն իսպանացիները հաղթում էին 3:1 հաշվով:

Իսպանացիների կազմում 20-րդ րոպեին ինքնագոլի հեղինակ դարձավ դարպասապահը: Մինչև ընդմիջման գնալը Սարաբիան հավասարեցրեց հաշիվը: 57-րդ րոպեին Ասպիլիկուետան առաջ մղեց իսպանացիներին, իսկ 77-րդ րոպեին Ֆերան Տորեսը հաշիվը դարձրեց 3:1: Հիմնական ժամանակի ավարտից 5 րոպե առաջ Օրշիչը կրճատեց հաշվի տարբերությունը, իսկ 92-րդ րոպեին Պաշալիչը հավասարեցրեց հաշիվը:

Լրացուցիչ ժամանակում իսպանացիները 2 գոլ խփեցին խորվաթների դարպասը: Աչքի ընկան Մորատան ու Օյարզաբալը: Այսպիսով, Իսպանիայի հավաքականը դուրս եկավ քառորդ եզրափակիչ, որտեղ կմրցի Ֆրանսիա-Շվեյցարիա զույգի հաղթողի հետ: