Պաղեստինն ասում է, որ ԱՄՆ-ը պետք է դադարեցնի Իսրայելի ագրեսիան
Պաղեստինի նախագահ Մահմուդ Աբասի վարչակազմը Իսրայելին պատասխանատու է համարում Գազայի հատվածում վտանգավոր ռազմական էսկալացիայի համար և կոչ է անում ԱՄՆ-ին միջամտել և ստիպել հրեական պետությանը դադարեցնել ռազմական գործողությունները: Այս մասին ասվում է նրա խոսնակ Նաբիլ Աբու Ռուդեյնայի հայտարարության մեջ, որը կիրակի օրը հեռարձակվել է WAFA լրատվական գործակալության կողմից ։
Հայտարարության մեջ նշվում է, որ իսրայելական հարձակումները հանգեցնում են խաղաղ բնակիչների, այդ թվում՝ կանանց և երեխաների մահվան, ինչպես նաև բնակելի շենքերի ավերմանը։
Աբու Ռուդեյնայի խոսքով՝ նախագահ Մահմուդ Աբասը կապի մեջ է մտել տարածաշրջանային և միջազգային կողմերի հետ՝ դադարեցնելու ագրեսիան Պաղեստինի ժողովրդի դեմ։ «ՄԱԿ-ի Անվտանգության խորհուրդը օգոստոսի 8-ին կայանալիք արտահերթ նիստում, որը նվիրված է Գազայի հատվածում տիրող իրավիճակին, պետք է կատարի իր առաքելությունը և հասնի Իսրայելի կողմից ռազմական էսկալացիայի ավարտին»,- ընդգծել է նա։
Կարծիքներ