NASA-ն մտադիր է 2027 թվականին արձակել երեք արբանյակ՝ արեւադարձային փոթորիկները ուսումնասիրելու համար

Օդագնացության և տիեզերական տարածության ուսումնասիրության ամերիկյան ազգային վարչությունը (NASA) մտադիր է 2027 թվականին երեք արբանյակ արձակել՝ տիեզերքից արևադարձային փոթորիկները և ամպրոպները ուսումնասիրելու համար։

Այս մասին հայտարարել է գերատեսչության տնօրեն Բիլ Նելսոնը՝ ուրբաթ օրը ելույթ ունենալով NASA-ի Գոդարդ տիեզերական թռիչքների կենտրոնում՝ Մերիլենդ նահանգի Գրինբելթ քաղաքում։

«Ես ուրախ եմ հայտարարել NASA-ի նոր երկրաբանական առաքելության մասին», - ասել է նա: Նելսոնը նշել է, որ նախագիծը ստացել է INCUS (Investigation of Convective Updrafts) անվանումը։

«Դրանք կլինեն երեք փոքր արբանյակներ: Ակնկալվում է, որ դրանք կարձակվեն 2027 թվականին: Եվ նրանք կուսումնասիրեն արևադարձային փոթորիկների և ամպրոպների վարքագիծը, ներառյալ դրանց ազդեցությունը եղանակի և կլիմայական մոդելների վրա», - պարզաբանել է NASA-ի ղեկավարը:

Նրա խոսքով՝ ՆԱՍԱ-ի նման տիեզերական նախագծերը կբարելավեն պատրաստվածությունը Երկրի վրա տարբեր բնական աղետների դեպքում։