Ազգային ժողովում մեկնարկել է Վճռաբեկ դատարանի նախագահի ընտրության փակ և գաղտնի քվեարկությունը

ՀՀ Ազգային ժողովում մեկնարկել է Վճռաբեկ դատարանի նախագահի ընտրության փակ և գաղտնի քվեարկությունը:

Նախագահի պաշտոնի միակ թեկնածուն Լիլիթ Թադևոսյանն է:

«Վճռաբեկ դատարանի նախագահի ընտրության քվեարկությունը տեղի է ունենալու Ազգային ժողովի հարևանությամբ գտնվող նախասրահում, ժամը 15:50-16:50-ն»,- ասաց Հաշվիչ հանձնախմբի նախագահ Վահագն Հովակիմյանը:

Լիլիթ Թադևոսյանը ծնվել է 1978 թ.,  Երևանում: 1998 թ. ավարտել է Երևանի պետական համալսարանի իրավաբանական ֆակուլտետը, 2001 թ.՝ ասպիրանտուրան, 2017 թվականից իրավաբանական գիտությունների դոկտոր, պրոֆեսոր է: 2018 թ. առ այսօր զբաղեցնում է Վճռաբեկ դատարանի քրեական պալատի նախագահի պաշտոնը: Վճռաբեկ դատարանի նախագահի պաշտոնում Լիլիթ Թադևոսյանի թեկնածությունն առաջադրել է Բարձրագույն դատական խորհուրդը: