Ողբերգական դեպք Արայի լեռան մոտ. ձորն ընկած մեքենայից դուրս բերված մարդկանցից մեկը մահացել է

Արագածոտնի մարզում ճանապարհատրանսպորտային պատահար է գրանցվել, որի հետևանքով 1 մարդ մահացել է, 1 հոգի էլ՝ վնասվածքներ ստացել։ Տեղեկությունը հայտնում է shamshyan.com-ը։

Ըստ հաղորդագրության՝ ժամը 17:00-ի սահմանում «ԲՄՎ-X5» մակնիշի ավտոմեքենան Արայի լեռան տարածքին հարակից Ծաղկեվանք տանող ճանապարհին դեռևս անհայտ հանգամանքներում դուրս է եկել երթևեկելի գոտուց, գլորվել, բախվել ապառաժ քարերին ու կողաշրջված վիճակում հայտնվել ձորում:

Կայքի տեղեկություններով՝ 2 հոգի քաղաքացիների օգնությամբ դուրս Է բերվել ձորից ու տեղափոխվել շտապօգնության ավտոմեքենա, որտեղ պարզվել է, որ նրանցից մեկը մահացած է:

Փաստի առթիվ հարուցվել է քրեական գործ։ Իրավապահները պարզում են տուժածների ինքնությունը։