Կրասնոդարում 37-ամյա Ռաֆայել Առաքելյանը իր վարած «BMW» մակնիշի ավտոմեքենայով ընկել է ավտոկայանատեղիի 3-րդ հարկից
Ռուսաստանի Դաշնության Կրասնոդարի շրջանում 37-ամյա Ռաֆայել Առաքելյանը իր վարած «BMW» մակնիշի ավտոմեքենայով ընկել է«Галерея» առևտրի կենտրոնի ավտոկայանատեղիի 3-րդ հարկից։
Այս մասին գրում են ռուսական լրատվամիջոցները։
Նշվում է, որ Առաքելյանի հետ մեքենայում եղել են նրա կինն ու 12-ամյա երեխան․ ամուսիններն ու նրանց դուստրը տեղում մահացել են։
Վերջինս մեքենան գնել էր մեկ ամիս առաջ։ Ըստ տեղեկությունների՝ ավտոկայանատեղիում նա մեքենայի արագությունը չափից շատ արագացրել է ու կորցրել կառավարումը։ Մեքենան ճեղքել է ցանկապատը և ցած է ընկել երրորդ հարկից։
Ռուսական լրատվամիջոցները գրում են, որ Ռաֆայել Առաքելյանի կողմից արված այս քայլը կարող էր ինքնասպանություն լինել։
Դեպքի առթիվ Քննչական կոմիտեն քրեական գործ է հարուցել «Դիտավորյալ սպանություն» հոդվածով։
Կարծիքներ