Ինչու է աղմկում ընդդիմությունը, եթե կապ չունի 5-րդ շարասյան հետ. Տարոն Չախոյան

Ինչու է աղմկում ընդդիմությունը, եթե կապ չունի 5-րդ շարասյան հետ. Տարոն Չախոյան

Տարոն Չախոյանն իր ֆեյսբուքյան էջում գրում է.

Ինչու է աղմկում ընդդիմությունը, եթե կապ չունի 5-րդ շարասյան հետ։

Վարչապետի այն համոզմունքը, որ պատերազմը պարտվել ենք, որովհետև մեր բանակում գործել է հինգերորդ շարասյուն, կծկանքներ է առաջացրել արմատական ընդդիմության մոտ։

 

Օրինակ՝

 Սեյրան Օհանյանը արձագանքել է վարչապետին՝ վերջինիս անվանելով 6-րդ շարասյուն։

 Գեղամ Մանուկյանի հակադարձել է վարչապետին՝ նշելով, որ իշխանություններն են բերել պարտությունը, ոչ թե բանակը:

 Աննա Գրիգորյանն «անպատասխանատու» է որակել վարչապետի հայտարարությունը:

 Հայկ Մամիջանյանը պնդել է, որ ոչ ոք իրավունք չունի հայոց փառապանծ բանակի մասին նման ակնարկներով խոսել։

 Արմեն Աշոտյանը նշել է, որ բանակում չի եղել 5-րդ շարասյուն, այլ կառավարությունում է 5-րդ շարասյունը։

Եվ սա փրկիչ խաղացող ընդդիմադիրների արձագանքների ընդամենը մի փոքր մասն է։

Բայց այս ամենից հետո խելամիտ հարց է ծագում։

Եթե որևէ կապ չունեն 5-րդ շարասյան հետ, ինչի՞ համար են այս ջղաձգումները։

Հետևեք մեզ նաև Տելեգրամում