Ինչպիսին է եղել սահմանային իրավիճակը գիշերվա ընթացքում. ՊՆ

Գիշերվա ընթացքում հրադադարի էական խախտումներ չեն արձանագրվել:

Այս մասին հայտնում են ՊՆ տեղեկատվության և հասարակայնության հետ կապերի վարչությունից՝ նշելով, որ ժամը 08:30-ի դրությամբ իրադրությունն առաջնագծում հարաբերականորեն կայուն է:

 Մայիսի 11-ին Սոթքի ուղղությամբ ադրբեջանական սադրանքի հետևանքով վիրավորում ստացած 4 զինծառայողների կյանքին վտանգ չի սպառնում, գտնվում են հոսպիտալի բուժանձնակազմի հսկողության տակ:

 ՀՀ ՊՆ հաղորդագրության համաձայն՝ երեկ գիշերը և առավոտյան Ադրբեջանի ԶՈՒ ստորաբաժանումները հրետանային և ականանետային միջոցներից կրակ են բացել Սոթքի հատվածում տեղակայված հայկական դիրքերի ուղղությամբ:

Ադրբեջանական սադրանքի հետևանքով հայկական կողմն ունի 4 վիրավոր: Վիրավորում ստացած զինծառայողների կյանքին այս պահի դրությամբ վտանգ չի սպառնում:

Ադրբեջանի պաշտպանության նախարարությունը հաղորդագրություն է տարածել՝ հայտնելով սեփական սադրանքի հետևանքով իր շարքերում զոհված զինծառայողի և վիրավորի մասին: