«Արսենալի» նախկին հարձակվողը ձերբակալվել է թմրանյութերի ապօրինի շրջանառության կասկածանքով

«Արսենալի» և Իռլանդիայի հավաքականի նախկին հարձակվող Էնթոնի Սթոքսը ձերբակալվել է թմրանյութերի ապօրինի շրջանառության  կասկածանքով, հայտնում է Daily Mail-ը:

Երեկ՝ հունվարի 6-ին, Իռլանդիայի ոստիկանությունը սկսել է Դուբլինում վտանգավոր ձևով մեքենա վարող ավտոմեքենայի հետապնդումը։ Որոշ ժամանակ անց վարորդն ու նրա ուղեւորը բերման են ենթարկվել։ Ավտոմեքենայի ներսում հայտնաբերվել է 4,5 հազար եվրոյի թմրամիջոց։

Որոշ ժամանակ անց Սթոքսը գրավի դիմաց ազատ է արձակվել կալանքից։ Ֆուտբոլիստը կկանգնի դատարանի առաջ:

34-ամյա Էնթոնի Սթոքսը խաղացել է «Արսենալում», «Սանդերլենդում», «Քրիսթալ Փելասում», «Սելթիկում» և այլ ակումբներում։ Նա իր խաղային կարիերան ավարտել է 2020 թվականին։