Աֆրիկայում 12 սպիտակ օտարերկրացու են գլխատել

Մոզամբիկում սպիտակամորթ օտարերկրացիներին գլխատել են, մարմինները հայտնաբերել են հյուրանոցի մոտ, որտեղ նրանք իջևանել են (Արեւելյան Աֆրիկա): Այս մասին գրում է The Times-ը՝ վկայակոչելով տեղի ոստիկանությանը։

12 զոհվածների մարմինները հայտնաբերվել են Պալմա քաղաքի հյուրանոցի մոտ գտնվող ծառի տակ։ The Times-ը ենթադրում է, որ սպանված օտարերկրացիները փորձել են փախչել ջիհադականներից։

«Ես չգիտեմ, թե նրանք ինչ ազգության են, բայց նրանք բոլորը սպիտակ են։ Նրանք գլխատված են եղել, եւ նրանց ձեռքերը կապված էին», — հայտարարել է ոստիկանության ներկայացուցիչը։

«Իսլամական պետություն» ահաբեկչական խմբավորումը մարտի 24-ին հայտարարել է Մոզամբիկում Պալմա քաղաքի գրավման մասին: ՌԻԱ Նովոստին, վկայակոչելով տեղի ոստիկանությանը, նշում է, որ ապրիլի 2-ին գրոհայինները լքել են քաղաքը: