Եվս մեկ ակումբ միացել է Բելինգհեմի տրանսֆերային մրցավազքին

Կիսապաշտպան Ջուդ Բելինգհեմը, ամենայն հավանականությամբ, ամառային տրանսֆերային պատուհանի ընթացքում Դորտմունդի «Բորուսիայից» կտեղափոխվի մեկ այլ ակումբ: Այս մասին գրում է Armsport.am-ը։

19-ամյա ֆուտբոլիստի տրանսֆերը ձեռք բերելու գլխավոր հավակնորդները համարվում են «Լիվերպուլն» ու Մադրիդի «Ռեալը»։ Այնուամենայնիվ, «Նյուքասլը» նույնպես պատրաստվում է պայքարել Բելինգհեմի համար, հաղորդում է Bild-ը:

Սեփականատերերի փոփոխությունից հետո «Նյուքասլը» լուրջ ֆինանսական հնարավորություններ ունի։ «Կաչաղակները» նաև հույս ունեն Չեմպիոնների լիգայի ուղեգիր նվաճել, ինչը նրանց կտրուկ կդարձնի նորեկների համար շատ ավելի գրավիչ ակումբ: Այս պահին «Նյուքասլը» Պրեմիեր լիգայի մրցաշարային աղյուսակի երրորդ տեղում է։

Transfermarkt-ի մասնագետները Ջուդ Բելինգհեմի տրանսֆերային արժեքը գնահատում են 110 միլիոն եվրո։