Պատվաստված սաուդցիներին թույլ կտան դուրս գալ թագավորությունից

Պատվաստված սաուդցիներին թույլ կտան դուրս գալ թագավորությունից

Պատվաստված սաուդցիներին ավելի քան մեկ տարվա ընթացքում առաջին անգամ թույլ կտան դուրս գալ թագավորությունից, քանի որ երկիրը մեղմացնում է միջազգային ուղեւորությունների արգելքը, հայտնում է AP-ն:

Վերջին 14 ամիսների ընթացքում Սաուդյան Արաբիայի քաղաքացիներին հիմնականում արգելել են արտերկիր մեկնել՝ այն մտավախությունների պատճառով, որ միջազգային ուղեւորությունները կարող են վիրուսի բռնկում առաջացնել ավելի քան 30 միլիոն բնակչություն ունեցող երկրում: Արգելքը, որը մտցվել է 2020 թվականի մարտին, առնչվել է, մասնավորապես, սաուդցի ուսանողներին, ովքեր սովորում էին արտերկրում:

Սակայն վերջին ամիսներին թագավորությունը COVID-19-ի դեմ պատվաստանյութի առնվազն մեկ չափաբաժնով պատվաստել է մոտ 11,5 միլիոն բնակչի, ինչը նրանց երկիրը լքելու իրավունք է տվել։ Իշխանությունները նաեւ վիրուսից նոր ապաքինված մարդկանց եւ ճանապարհորդական ապահովագրություն ունեցող մինչեւ 18 տարեկան անչափահասներին թույլ կտան մեկնել արտերկիր: