Գերմանիայի և արևմտյան որոշ երկրների արտաքին գործերի նախարարությունները մտահոգված են ֆորպոստների օրինականացման ուղղությամբ Իսրայելի գործողություններով

Գերմանիայի, Ֆրանսիայի, Իտալիայի, Մեծ Բրիտանիայի և Միացյալ Նահանգների արտգործնախարարները մտահոգված են Հորդանան գետի Արևմտյան ափին ինը բնակավայրերի օրինականացման վերաբերյալ Իսրայելի հայտարարությամբ։ Այս հայտարարությունը երեքշաբթի օրը տարածել է Գերմանիայի ԱԳՆ մամուլի ծառայությունը։

Իսրայելի իշխանությունները երկուշաբթի օրը՝ կառավարության գլխավոր նախարարների հանդիպման արդյունքներով, որոշեցին օրինականացնել ինը բնակավայրեր Հորդանան գետի Արևմտյան ափում՝ ի պատասխան Արևելյան Երուսաղեմում մի շարք ահաբեկչությունների: Որոշվել է առաջիկա օրերին գումարել համապատասխան պլանավորման հանձնաժողովի նիստ՝ Հորդանան գետի արեւմտյան ափի բնակավայրերում հավելյալ բնակարանների կառուցման թույլտվությունները հաստատելու համար։ Երուսաղեմում կամրապնդվեն ոստիկանության և սահմանապահ ստորաբաժանումները և կընդլայնվեն հակաահաբեկչական գործողությունները։