2015-ից ի վեր Ադրբեջանը Կոնգոյին գաղտնի վաճառել է ավելի քան 500 տոննա սպառազինություն. հետաքննություն
Ադրբեջանը գաղտնի կերպով մեծ թվով սպառազինություն է վաճառել Կոնգոյի Հանրապետության բռնապետական ռեժիմին: Այս մասին զեկույց է հրապարակել Կազմակերպված հանցավորության և կոռուպցիայի լուսաբանման նախագիծը (OCCRP) :
2015-ից ի վեր Կոնգոն Ադրբեջանից գնել է շուրջ 500 տոննա զենք, այդ թվում՝ 775 ականանետային արկեր և ավելի քան 400 արկղ հրթիռ, որոնք նախատեսված են բեռնատարները թիրախավորելու համար:
2020-ի հունվար ամսին Մարմարա ծովի արևելյան ափին՝ Թուրքիայի նավահանգիստներից մեկում նավը բեռնվել է մեծ թվով զենք-զինամթերքով: Գրանցված լինելով Վանուատուի նավահանգստում՝ հրթիռներով ու պայթուցիկներով բեռնված նավն Ադրբեջանից ուղղություն է վերցրել դեպի Կոնգո:
Զեկույցի համաձայն՝ ընդհանուր առմամբ Կոնգո է տեղափոխվել ավելի քան 100 տոննա սպառազինություն: Ռազմական բեռի արժեքը գնահատվում է տասնյակ միլիոնավոր դոլարներ: Սա Ադրբեջանի պաշտպանության նախարարության կողմից Կոնգոյի ռեժիմին ուղարկված սպառազինությամբ բեռնված 17 նավերից վերջինն էր:
Կարծիքներ