Պուտինն ու Մոդին կքննարկեն երկու երկրների հարաբերությունները

Ռուսաստանի նախագահ Վլադիմիր Պուտինը երկուշաբթի կայցելի Հնդկաստան։ Ինչպես դեկտեմբերի 1-ին հայտնել է ՌԴ ղեկավարն ինքը, իր այցի ընթացքում նա մտադիր է Հնդկաստանի վարչապետ Նարենդրա Մոդիի հետ քննարկել ռուս-հնդկական ռազմավարական գործընկերությունը ավելի խորացնելու հարցը։

Կրեմլը հավելել է, որ առաջնորդները մտքեր կփոխանակեն միջազգային օրակարգի արդիական հարցերի շուրջ, ներառյալ համատեղ աշխատանքը G20-ի, BRICS-ի և Շանհայի համագործակցության կազմակերպության շրջանակներում:

Պուտինի խոսքով, Ռուսաստանի Դաշնության և Հնդկաստանի միջև համագործակցությունը իրական փոխադարձ օգուտներ է բերում երկու երկրներին։ Երկկողմ առևտուրը լավ դինամիկա է դրսևորում, ակտիվորեն զարգանում են կապերը էներգետիկայի, նորարարության, տիեզերքի, հակաօքսիդանտ պատվաստանյութերի և դեղամիջոցների արտադրության ոլորտներում, լայն համագործակցությունը պահպանվում է պաշտպանության ոլորտում, այդ թվում՝ համատեղ ձեռնարկությունների ստեղծման միջոցով։