Տոկաևը որոշել է պարգևներ չընդունել մինչև իր պաշտոնավարման ժամկետի ավարտը
Ղազախստանի նախագահ Կասիմ-Ժոմարտ Տոկաևը որոշել է չընդունել ղազախական և արտասահմանյան պարգևներ մինչև պետության ղեկավարի պաշտոնում պաշտոնավարման ժամկետի ավարտը։ Ինչպես հաղորդում է «Արմենպրես»-ը՝ այս մասին հաղորդել է Tengrinews գործակալությունը՝ հղում անելով երկրի ղեկավարի մամուլի քարտուղար Ռուսլան Ժելդիբային։
Ավելի վաղ ղազախ քաղաքագետ Երբոլ Եդիլովը Telegram-ի իր ալիքում հայտարարություն էր արել, որ ուրբաթ ռուսական կողմն առաջարկել է Տոկաևին պարգևատրել Ալեքսանդր Նևսկու շքանշանով։ «Պետության ղեկավարը շնորհակալություն է հայտնել պատվի համար:
Այնուամենայնիվ, նա որոշել է չընդունել ոչ ներքին, ոչ արտասահմանյան մրցանակներ մինչև իր նախագահական լիազորությունների ավարտը: Նույն պատճառով, վերջերս Բիշքեկ կատարած այցի ժամանակ նախագահը հրաժարվեց Ղրղզստանի բարձրագույն շքանշանից»,- գրել է նա։
Կարծիքներ