Քանի բանկային հաշիվ, տուն ու մեքենա ունի ՌԴ նախագահը. Պուտինը հայտարարագիր է ներկայացրել ԿԸՀ

Ռուսաստանի Դաշնության նախագահ և նախագահի թեկնածու Վլադիմիր Պուտինը եկամուտների և ունեցվածքի մասին հայտարարագիր է ներկայացրել ԿԸՀ:

Ըստ այդմ, 2017-2022 թվականների նրա եկամուտը կազմել է ավելի քան 67,5 միլիոն ռուբլի:

Ընտրությունների նշանակման տարվան նախորդող վեց տարիների ընթացքում Պուտինի եկամուտների ընդհանուր գումարը կազմում է 67 միլիոն 591 հազար 875 ռուբլի։

Պուտինի հայտարարագրում եկամտի աղբյուրների թվում են աշխատավարձը, բանկային ավանդներից և արժեթղթերից ստացված եկամուտը, զինվորական կենսաթոշակը և գույքի վաճառքը։

Պուտինը Սանկտ Պետերբուրգում ունի մեկ բնակարան (77 քմ) և ավտոտնակ (18 քմ), ինչպես նաև երեք ավտոմեքենա։ Նշվում է, որ նա ունի 10 բանկային հաշիվ՝ 54,416,604,52 ռուբլի ընդհանուր գումարով։

Բացի այդ, Պուտինը հայտարարագրում նշել է PJSC Bank St. Petersburg-ի 230 բաժնետոմս։

«Գույքային բնույթի պարտավորություններ» սյունակում նշվում է Մոսկվայի բնակարանը (153,7 քմ, անսահմանափակ օգտագործման, Մոսկվայի կառավարության հրաման) և ավտոկայանատեղի (18քմ, անսահմանափակ օգտագործման, ավտոտնակի կոոպերատիվի անդամակցություն) Սանկտ Պետերբուրգում։

ՌԴ-ում նախագահական ընտրությունները նշանակել են 2024 թվականի մարտի 17-ին։ Ռուսաստանի Դաշնության Կենտրոնական ընտրական հանձնաժողովը որոշել է, որ քվեարկությունը կտևի երեք օր՝ մարտի 15-ին, 16-ին և 17-ին։