Ճապոնիան Ուկրաինային է փոխանցել հեռուստատեսային հեռարձակման սարքավորումներ

Ճապոնիայի իշխանությունները Ուկրաինայի աջակցության շրջանակներում ուկրաինական կողմին են փոխանցել հեռարձակման եւ հեռահաղորդակցության սարքավորումներ։ Այս մասին ուրբաթ օրը հայտարարել է Ճապոնիայի արտգործնախարար Յոսիմասա Հայաշին։

Ճապոնիայի կառավարությունը ուրբաթ օրը նաև փոփոխություններ է ընդունել օրենսդրության մեջ, որոնք թույլ կտան օգտագործել պետական ​​պարտատոմսերը՝ ֆինանսավորելու Ուկրաինային աջակցելու միջոցները, որոնք կազմակերպվել են Համաշխարհային բանկի խմբի կողմից: Ըստ Kyodo գործակալության ՝ Ճապոնիայի իշխանությունները մտադիր են օգտագործել 685 միլիարդ իենի (ներկայիս փոխարժեքով մոտ 5,1 միլիարդ դոլար) պետական ​​պարտատոմսեր՝ ֆինանսավորելու համապատասխան հիմնադրամը, որը կգործի Վերակառուցման և զարգացման միջազգային բանկի ներքո։