Սպիտակ տանը հայտարարել են Իրանի դեմ նոր պատժամիջոցներ կիրառելու մասին
![Սպիտակ տանը հայտարարել են Իրանի դեմ նոր պատժամիջոցներ կիրառելու մասին](https://freenews.am/uploads/images/image_750x_6508a975e3303.jpg)
ԱՄՆ-ն մտադիր է նոր պատժամիջոցներ սահմանել Իրանի ղեկավարության ներկայացուցիչների դեմ՝ ամերիկացիների ձերբակալությունների համար և կարծում է, որ այդ միջոցը չի խաթարելու գերիների փոխանակումը, որն արդեն սկսվել է:
Ինչպես հաղորդում է «ՌԻԱ Նովոստի»-ն, այս մասին ասել է Սպիտակ տան ներկայացուցիչ Ջոն Քիրբին:
CNN-ի տեղեկություններով՝ պատժամիջոցներ կսահմանվեն Հետախուզության նախարարության և Իրանի նախկին նախագահ Մահմուդ Ահմադինեժադի նկատմամբ:
«Դրանք (պատժամիջոցները) կապված են Իրանում ամերիկացի քաղաքացիների անօրինական կալանավորման հետ»,- ասել է Քիրբին հեռուստաալիքին տված հարցազրույցում։
Նա հաստատել է, որ Իրանը սեպտեմբերի 18-ին ազատ է արձակել հինգ ամերիկացիների՝ նույն թվով Իրանի քաղաքացիների և 6 միլիարդ դոլարի ապասառեցման դիմաց։
Կարծիքներ