Բայդենը իրանական իշխանություններին անվանել է «ռեպրեսիվ»` բանտային հրդեհների ֆոնին

ԱՄՆ նախագահ Ջո Բայդենը, մեկնաբանելով շաբաթ օրը Թեհրանի Էվին բանտի տարածքում բռնկված հրդեհը, Իրանի ղեկավարությունը «ռեպրեսիվ» է անվանել։ Նրա խոսքերը մեջբերում է Սպիտակ տան մամուլի ֆոնդը։

ՔԿՀ-ում բռնկված հրդեհի մասին հարցին ի պատասխան՝ ամերիկացի առաջնորդն ասել է, որ Իրանի «կառավարությունը շատ ռեպրեսիվ է»։ «Սա լավ խումբ չէ»,- հավելել է նա՝ նկատի ունենալով իսլամական հանրապետության իշխանություններին։

Միաժամանակ Բայդենն ասել է, որ «շատ հարգում է այն մարդկանց, ովքեր փողոց են դուրս եկել բողոքի ցույցի»։

Ավելի վաղ Պետքարտուղարության մամուլի ծառայության ղեկավար Նեդ Փրայսը Twitter-ի իր էջում գրել էր, որ գերատեսչությունն ուշադիր հետևում է բանտում տիրող իրավիճակի մասին հաղորդագրություններին՝ միաժամանակ Իրանին պատասխանատու համարելով այնտեղ պահվող ամերիկացի քաղաքացիների անվտանգության համար։