Լավրովն ու Բայրամովը Երևանի և Բաքվի միջև հարաբերությունների կարգավորմանն առնչվող հարցեր են քննարկել

Ռուսաստանի արտգործնախարար Սերգեյ Լավրովը հեռախոսազրույց է ունեցել ադրբեջանցի գործընկեր Ջեյհուն Բայրամովի հետ:

Կողմերը հաստատել են եռակողմ համաձայնագրերի հիման վրա Բաքվի և Երևանի միջև հարաբերությունների կարգավորմանն ուղղված ջանքերի ավելացման անհրաժեշտությունը։

Այս մասին հայտնել է ՌԴ ԱԳՆ-ն։

Նախարարները քննարկել են նաև տարածաշրջանային «3+3» ձևաչափը և պայմանավորվել շարունակել աշխատանքը այս հարթակի առաջմղման ուղղությամբ։

«Հոկտեմբերի 23-ին Թեհրանում կայացած ԱԳ նախարարների մակարդակով «3+3» խորհրդակցական տարածաշրջանային հարթակի հանդիպման արդյունքները բարձր են գնահատվել: Պայմանավորվածություն է ձեռք բերվել շարունակել հետագա ռիթմիկ աշխատանքը այս ձևաչափի առաջմղման ուղղությամբ, կարգավորել հարաբերությունները Ադրբեջանի և Հայաստանի միջև 2020-2022 թվականների համար ամենաբարձր մակարդակով մի շարք եռակողմ համաձայնագրերի հիման վրա», - ասված է ՌԴ դիվանագիտական գերատեսչության հայտարարության մեջ։

Բացի այդ, նախարարները քննարկել են երկկողմ հարաբերությունները՝ «Ռուսաստանի և Ադրբեջանի ղեկավարների միջև շփումները զարգացնելու նպատակով հոկտեմբերի 12-ին Բիշքեկում ԱՊՀ պետությունների ղեկավարների խորհրդի շրջանակներում»,- հավելել է ՌԴ ԱԳՆ-ն։