ՄԱԿ-ի Գլխավոր ասամբլեայի նախագահը մաղթել է, որ Հնդկաստանը դառնա Անվտանգության խորհրդի մշտական անդամ
Հնդկաստանը «բազմաթիվ առումներով առաջատար է» և արժանի է դառնալ ՄԱԿ-ի Անվտանգության խորհրդի մշտական անդամ: Այս մասին Նյու Դելիում կայացած մամուլի ասուլիսում հայտարարել է ՄԱԿ-ի Գլխավոր ասամբլեայի 78-րդ նստաշրջանի նախագահ Դենիս Ֆրենսիսը։
«Հնդկաստանը ՄԱԿ-ի հասուն և մեծ հարգանք վայելող անդամ է: Այն շատ առումներով առաջատար է: Եվ ես վստահ եմ, որ այդ փաստն ակնհայտ է Գլխավոր ասամբլեայի անդամների համար»: Նա նշել է, որ ՄԱԿ-ի Անվտանգության խորհրդի բարեփոխումները «բացարձակապես անհրաժեշտ են»։
«Հնդկաստանի կառավարությանը և ժողովրդին հաջողություն եմ մաղթում խորհրդի մշտական անդամ դառնալու իրենց ձգտումներում: Դա տեղի կունենա, թե ոչ, կորոշեն կազմակերպության անդամները», - ավելացրեց ՄԱԿ-ի ԳԱ-ի նախագահը:
Կարծիքներ