Իսրայելը թույլատրել է Sputnik V-ով պատվաստված զբոսաշրջիկներին մուտք գործել երկիր

Իսրայելի կառավարությունը  թույլատրել է Sputnik V-ով պատվաստված զբոսաշրջիկների մուտքը Իսրայել հունվարի 9-ից «Արմենպրես»-ի հաղորդմամբ՝ ինչպես տեղեկացնում է «ՌԻԱ Նովոստի»-ն, այս մասին հայտարարել է Իսրայելում Ռուսաստանի դեսպանության մամուլի ծառայությունը:

«Մենք երախտապարտ ենք իսրայելական կողմին իր ջանքերի համար՝ պայմաններ ապահովելու ռուսական Sputnik V պատվաստանյութով պատվաստված քաղաքացիների ուղևորությունների համար՝ Իսրայելի առողջապահության նախարարության կողմից սահմանված պահանջներին համապատասխան»,- հայտնել են դեսպանությունից:

Համապատասխան տեղեկություն է հրապարակվել նաև Իսրայելի առողջապահության նախարարության կայքում, որտեղ ռուսական պատվաստանյութը ներառված է պատվաստանյութերի ցանկում, որոնք օտարերկրացիներին թույլ են տալիս մուտք գործել երկիր հունվարի 9-ից։