Թուրքիայի Ռիզեի նահանգում ջրհեղեղների պատճառով երկու մարդ է մահացել (լուսանկարներ)
Թուրքիայի Ռիզեի նահանգում հորդառատ անձրևներ են տեղացել, ջրհեղեղի հետևանքով երկու մարդ է մահացել: Այս մասին տեղեկացնում է «Անադոլու» գործակալությունը:
Ռիզե քաղաքի Չաելի թաղամասի Մադենլի շրջանում գտնվել է բնակիչներից մեկի անշնչացած մարմինը, իսկ 82-ամյա Հավվա Թույսուզին ծանր վիճակով տեղափոխել են հիվանդանոց, որտեղ նա մահացել է:
Ջրհեղեղի պատճառով ավելի քան 100 մեքենա է վնասվել, 3 տուն այլևս ապրելու համար անպիտան է դարձել, լրջորեն վնասվել են նաև նկուղային հարկերում գտնվող բնակարանները, տներն ու գրասենյակները:
Նշվում է, որ դեպքի վայր է ժամանել նաև Թուրքիայի ներքին գործերի նախարար Սուլեյման Սոյլուն, որի գլխավորությամբ տեղի են ունենում ջրհեղեղի հետևանքների վերացման աշխատանքներ:
Կարծիքներ