Փոթորկից հետո Թուրքիայում ձյան տեղումներ են սկսվել
Թուրքիայում առնվազն վեց մարդու կյանք խլած ավերիչ փոթորկից հետո սկսվել են ձյան տեղումները, որոնք հսկայական ավտոմոբիլային խցանումներ են առաջացրել: Այս մասին հայտնում է CNN Türk հեռուստաալիքը ։
Ձյուն է տեղացել երկրի հյուսիս-արևմուտքում։ Էրզրում, Էրզինջան և Արդահան նահանգների ճանապարհներով երթևեկությունը դժվարացել է։ Տասնյակ տրանսպորտային միջոցներ մնացել են Էրզինջանի ճանապարհին։ Մեքենաները հանելու համար հատուկ տեխնիկա է պահանջվել։
Ճանապարհային ծառայությունները հազիվ են հասցնում ավտոճանապարհները մաքրել ձյունից։
Օդերևութաբանները նախազգուշացնում են եղանակային պայմանների վատթարացման մասին. կանխատեսվում են ձյան տեղումներ և օդի ջերմաստիճանի նվազում:
Կարծիքներ