Փսակին հեռանում է Սպիտակ տնից. հայտնի է՝ ով կփոխարինի նրան

Ջեն Փսակին հեռանում է Սպիտակ տան մամուլի քարտուղարի պաշտոնից, ինչի մասին մայիսի 5-ին հայտնել է ԱՄՆ նախագահի վարչակազմի պաշտոնական կայքը։ Փսակիին կփոխարինի Կարին Ժան Պիեռը, որը պաշտոնը կստանձնի մայիսի 13-ին։

«Այսօր նախագահ Բայդենը հայտարարեց, որ Կարին Ժան Պիերը բարձրացվել է նախագահի օգնականի և Սպիտակ տան մամուլի քարտուղարի պաշտոնում։ Կարինը կզբաղեցնի մամուլի քարտուղարի պաշտոնը՝ փոխարինելով Ջեն Փսակիին, որը մայիսի 13-ին կլքի Սպիտակ տունը»,- ասվում է վարչակազմի հաղորդագրության մեջ։

Հիշեցնենք, որ Փսակիի՝ Սպիտակ տան մամուլի քարտուղարի պաշտոնը թողնելու և MSNBC հեռուստաալիքում աշխատանքի անցնելու ծրագրերի մասին ամերիկյան լրատվամիջոցները հայտնում են ապրիլի 1-ից։