Առաջիկա օրերին ԱՄՆ-ից ռազմական տեխնիկայի նոր մատակարարումներ կհասնեն Ուկրաինա. Բլինկեն
Առաջիկա օրերին ԱՄՆ-ից ռազմական տեխնիկայի նոր մատակարարումներ կհասնեն Ուկրաինա։ Այս մասին հայտարարել է ԱՄՆ պետքարտուղար Էնթոնի Բլինկենը Պետդեպարտամենտում լրագրողների հետ զրույցում։
«Այս շաբաթ ԱՄՆ-ի ռազմական օգնության երեք խմբաքանակ է մատակարարվել»,- ասել է պետքարտուղարը։ «Առաջիկա օրերին սպասվում են ավելի շատ մատակարարումներ»,- պարզաբանել է նա։
«Անցյալ շաբաթ մենք Կոնգրեսին ծանուցեցինք Մի-17 ուղղաթիռներ Ուկրաինա մատակարարելու մեր մտադրության մասին»,- շարունակել է Բլինկենը՝ հավելելով, որ ռուսական արտադրության այս ինքնաթիռները ներկայում գտնվում են Պենտագոնի պահեստում։
Ինչպես նշել է պետքարտուղարը, Վաշինգտոնը հույս ունի, որ Եվրոպա ուղարկելու համար նախատեսված ուժերը գործածելու կարիք չի լինի։
Կարծիքներ