Մետրոյի Կուրսկայա կայարանում ծնողների կողմից լքված երեխա է հայտնաբերվել
Մետրոյի Կուրսկայա կայարանում ոստիկանները հայտնաբերել են ծնողների կողմից լքված փոքրիկ երեխային։ Այս մասին ՏԱՍՍ-ին հայտնել են Մոսկվայի ՆԳՆ գլխավոր տնօրինության մամուլի ծառայությունից։
«Այսօր կեսօրին Արբատսկո-Պոկրովսկայա գծի մետրոյի Կուրսկայա կայարանում հայտնաբերվել է փոքրիկ երեխա, որը ենթադրաբար լքված է ծնողների կողմից, ում ինքնությունը ներկայումս պարզվում է»,- ասել է գործակալության զրուցակիցը։
Իրավապահ մարմինները ՏԱՍՍ-ին հայտնել են, որ երեխան հանձնվել է բժիշկներին, նա մոտ 1,5 տարեկան տեսք ունի։
Մոսկվայի դատախազությունը ստուգում է այս փաստը։
Կարծիքներ