Ընտրություններում երբեք չհաղթածները փորձ են անում ստեղծել կեղծ իրականություն ընտրությունների վրա ստվեր գցելու համար. Հովհաննիսյան

Ընտրություններում երբեք չհաղթածները փորձ են անում ստեղծել կեղծ իրականություն ընտրությունների վրա ստվեր գցելու համար.  Հովհաննիսյան

Վաղ առավոտից մի շարք լրատվականներ, որոնք պատկանում և ծառայում են հոկտեմբերի 27-ի ժամանակ նախագահի աթոռը զբաղեցնողին ու մարտի 1-ով իշխանության եկածին, ակտիվորեն տարածում են ֆանտաստիկ լուրեր ՔՊ-ի կողմից ընտրախախտումների մասին։

Զուգահեռ իրականությունը, սակայն, այն մասին է, որ արդեն ձերբակալվել և ձերբակալվում են այս անձանց ծառայող դաշինքների թեկնածուներ և շտաբի անդամներ ընտրակաշառքների, սպառնալիքների և այլ խախտումների հիմքով։

Պատկերացնո՞ւմ եք՝ 20 տարի բոլոր հնարավոր ընտրութունները բոլոր հնարավոր ձևերով կեղծածները եկել են և մի ուժի, որին հաջողվեց 2018-ից սկսած անցկացնել ընտրություններ, որոնք առաջին անգամ չվիճարկվեցին ՍԴ-ում, մեղադրում են ընտրակեղծարարության մեջ։

Մարտավարությունը պարզ է և պրիմիտիվ․ ընտրություններում երբեք չհաղթածները փորձ են անում ստեղծել կեղծ իրականություն ընտրությունների վրա ստվեր գցելու համար՝ հող նախապատրաստելով հետագա խժդժությունների համար։

2018 թվականից ի վեր Հայաստանի բոլոր քաղաքացիները տեսել և զգացել են իրենց քվեի ուժը, և ընտրելու իրավունքի վրա ցանկացած ապօրինի ազդեցություն պատժվելու է օրենքի ողջ խստությամբ։

Սիրելի՛ հայրենակիցներ, գնացե՛ք և իրացրե՛ք ձեր իշխանությունը, արտահայտե՛ք ձեր պողպատյա կամքը։