Հսկայական կոնտեյներատար նավը խցանվել է Սուեզի ջրանցքում

Հսկայական կոնտեյներատար նավը խցանվել է Սուեզի ջրանցքում այն բանից հետո, երբ շեղվել է ուղուց ավազային փոթորկի ժամանակ՝ ստեղծելով խցանումներ աշխարհի ամենածանրաբեռնված առեւտրային երթուղիներից մեկում:

Եգիպտոսի Սուեզի ջրանցքի վարչությունը (SCA) հայտարարել է, որ ամեն ինչ անում է Թայվանի վերահսկողության տակ, բայց Պանամայի դրոշի ներքո նավարկող 400 մետր երկարությամբ եւ 59 մետր լայնությամբ MV Ever Given նավը տիղմից հանելու համար: Երթեւեկությունը հեշտացնելու համար պատմական հատվածներն են բացվել:

SCA-ն հայտարարել է, որ նավը հայտնվել է ավազային փոթորկի մեջ, ինչը տարվա այս ժամանակահատվածում Եգիպտոսի Սինայի անապատում սովորական երեւույթ է եւ նվազեցնում է տեսանելիությունը:

Evergreen Marine Corp նավային փոխադրողը AFP-ին հայտնել է, որ Ռոտերդամ ուղեւորվող նավը «քամու ուժգին հարվածից հետո տիղմի մեջ է խրվել»:

Փոշու խիտ ամպերով մրրիկները, որոնք մանր ավազ են տարածում, երեքշաբթի օրվանից մոլեգնում են Մերձավոր Արեւելքի մեծ մասում: