Ես ՕԵԿ-ական չեմ, որ 2 տարին մեկ կարծիք փոխեմ, անողնաշար չեմ. Իոաննիսյանը՝ Մարուքյանին

«Իրազեկ քաղաքացիների միավորում» ՀԿ համակարգող Դանիել Իոաննիսյանը «Ֆեսբուք»-ի իր էջում դիմել է Էդմոն Մարուքյանին՝ ի պատասխան վերջինիս կողմից եթերում հնչեցվածհայտարարությունների:

«Էդմոն Մարուքյանն իր եթերում այդ թվում իմ անունն է տալիս, որպես Եվրադաշինքի անդամ: 

Հարկ եմ համարում հայտնել, որ ես Եվրադաշինքի անդամ չեմ, դրա աջակցող չեմ և չեմ էլ կարող լինել, քանի որ «Իրազեկ քաղաքացիների միավորումը» «Անկախ դիտորդի» կազմում հետևում է թե այն ընտրություններին, որոնց մասնակցում է Եվրադաշինքը և թե հանրային կամարտահայտման այլ ձևերին, որոնք նախաձեռնել է Եվադաշինքը (կամ դրա հիմնական դերակատարները): 

Ինչ վերաբերվում է Էդմոն Մարուքյանի այն մեղադրանքին, որ ես չեմ պայքարում խաղաղության պայմանագրի դեմ (քանի որ դրանով բացառվում է սահմանի երկայնքով երրորդ երկրների ուժերի տեղակայումը), ապա ասեմ հետևյալը՝ 

1. Ես անողնաշար չեմ, որ քննադատեմ այն ամենը, ինչը քննադատելը զուտ կարող է պոպուլար լինել: 

2. Ես ՕԵԿ-ական չեմ, որ արդեն մի 4-5 անգամ երկու տարին մեկ 180 աստիճանով կարծիք փոխեմ:

3. Ես նաև սուտխոսան չեմ, որ ստորագրեմ այն ստերի տակ, որոնք պարոն Մարուքյանը ասում է հայցերից հրաժարվելու կամ Հռոմի ստատուը վավերացնելու մասին»,- գրել է Իոաննիսյանը: