Աննա Աղաջանյանը Բելգիայում Հայաստանի դեսպան և Եվրամիությունում Հայաստանի ներկայացուցիչ
Հայաստանի նախագահի հուլիսի 31-ի հրամանագրով Աննա Աղաջանյանը նշանակվել է Բելգիայի Թագավորությունում Հայաստանի Հանրապետության արտակարգ և լիազոր դեսպան, ինչպես նաև Եվրոպական միությունում Հայաստանի Հանրապետության ներկայացուցչության ղեկավար (նստավայրը՝ Բրյուսել):
Աննա Աղաջանյանը պրոֆեսիոնալ դիվանագետ է։ Ծնվել է 1970 թվականին Երեւանում։ 1993 թվականից աշխատում է Հայաստանի արտգործնախարարության համակարգում, արտերկրում աշխատել է Նյու Յորքում` ՄԱԿ-ում Հայաստանի ներկայացուցչությունում, Բրյուսելում` ԵՄ-ում Հայաստանի ներկայացուցչության խորհրդական, ապա՝ դեսպանորդ, 2013-2018 թթ. եղել է Ինդոնեզիայում Հայաստանի դեսպան։ 2018թվականից ՀՀ արտգործնախարարի խորհրդականն էր։
Շնորհավորում ենք եւ մաղթում բեղուն գործունեություն։
Կարծիքներ