Մարտակերտի նախկին քաղաքապետի խափանման միջոցը փոխվել է

Լեռնային Ղարաբաղի Մարտակերտ համայնքի նախկին  ղեկավար Միշա Գյուրջյանի խափանման միջոց կալանքը փոխարինվել է տնային կալանքով:

Տեղեկությունը հայտնել է Գյուրջյանի պաշտպանը

Հիշեցնենք` Մարտակերտի քաղաքապետը ձերբակալվել էր մայիսին։

Նա մեղադրվում է խարդախությամբ խոշոր չափերով հափշտակության և փաստաթղթեր կեղծելու համար։

Ըստ Քննչական կոմիտեի` նա խմբի հետ փաստաթուղթ է կեղծել և կատարել խոշոր չափերով գույքի հափշտակություն` 1 միլիոն 935 հազար դրամ արժողությամբ «CHEVROLET LACETTI-1.4»։

Գյուրջյանին մեղադրանք է ներկայացվել ՀՀ քրեական օրենսգրքի 255-րդ հոդվածի 2-րդ մասի 1-ին և 3-րդ կետերով (խարդախություն) և 457-րդ հոդվածի 2-րդ մասով (փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը)։