Հռոմի պապն աղոթել է բոլոր ռազմագերիների շուտափույթ վերադարձի համար
Մինչ Ուկրաինան և Սուրբ Աթոռը տոնում են ռուսական զորքերի կողմից տասը ուկրաինացի ռազմագերիների ազատ արձակումը, Հռոմի Պապ Ֆրանցիսկոս Առաջինն աղոթել է, որ բոլոր ռազմագերիները շուտով վերադառնան հայրենիք, հայտնում է Vatican News-ը։
Հունիսի 29-ին Սուրբ Պետրոսի և Պողոսի տոնի առթիվ իր հրեշտակային աղոթքի ավարտին Սրբազան Հոր մտքերը հատկապես վերաբերել են բանտարկյալների փոխանակման շրջանակներում ազատ արձակված քահանաներին։
Հռոմի պապը նաև կոչ է արել բոլոր ներկաներին միասին աղոթել բոլոր բանտարկյալներին տուն վերադարձնելու համար։ Միևնույն ժամանակ նա նշել է, որ ցավով մտածում էր պատերազմի պատճառով տառապող եղբայրների և քույրերի մասին։
«Եկեք մտածենք բոլոր այն մարդկանց մասին, ովքեր վիրավորվել են կամ վտանգի տակ են հայտնվել կռիվների հետևանքով»,- ասել է Հռոմի պապը՝ խնդրելով Աստծուն «ազատել նրանց և աջակցել խաղաղության համար մղվող պայքարում»։
Ուրբաթ երեկոյան Հայրեր Իվան Լևիցկին և Բոգդան Հելետան՝ Ամենասուրբ Քավիչի միաբանության անդամները, ութ այլ բանտարկյալների հետ միասին ազատ են արձակվել Ռուսաստանի կողմից՝ Ուկրաինայի հետ գերիների փոխանակման շրջանակներում:
Կարծիքներ