Հայտնի են 2020 թվականաի Հայաստանի ձյուդոյի չեմպիոնները

Կայացել է Հայաստանի 2020 թվականի ձյուդոյի մեծահասակների առաջնությունը:

Ինչպես տեղեկացնում է ՀՀ կրթության, գիտության, մշակույթի և սպորտի նախարարության պաշտոնական կայքը, մեդալների համար պայքարել են մղել 68 մարզիկ՝ Կոտայքի, Արմավիրի, Լոռու, Շիրակի, Գեղարքունիքի մարզերից, Երևանից ու Արցախից:

Ըստ քաշային կարգերի հանրապետության չեմպիոն են դարձել հետևյալ ձյուդոյիստները.

Աղջիկներ

48 կգ՝ Մամիկոնյան Մելինե (Բյուրեղավան)

+52 կգ՝ Մկրտչյան Աննա (Բյուրեղավան)

ՏՂԱՄԱՐԴԻԿ

60 կգ՝ Իսրայելյան Յուրի (ԵՕՀՊՄՔ)

66 կգ՝ Հովսեփյան Գոռ (Հրազդան)

73 կգ՝ Ավեդիսյան Արսեն (ԵՕՀՊՄՔ)

81 կգ՝ Շատվերյան Բորիս (ՍՁՕՄՊՄԴ)

90 կգ՝ Շատվերյան Նարեկ (ՍՁՕՄՊՄԴ)

+ 90 կգ՝ Ավանեսյան Արման (Արցախ)

Հայաստանի ձյուդոյի մեծահասակների հավաքականի գլխավոր մարզիչ Հովհաննես Դավթյանի խոսքով՝ պատերազմը և կորոնավիրուսի համավարակը բացասաբար են ազդել մարզիկների վրա:

«Հաշվի առնելով ներկա իրավիճակը՝ ընդհանուր առմամբ գոհ եմ առաջնության արդյունքներից: Խնդիրներից մեկն այն էր, որ մեծահասակների առաջնությանն ավելի շատ երիտասարդ ձյուդոյիստներ են մասնակցել: Հավաքականը ձևավորվելու է երիտասարդ մարզիկներով, ինչը նշանակում է՝ մեզ ծավալուն աշխատանք է սպասվում նրանց մեծահասակների մրցաշարերի նախապատրաստելու տեսանկյունից», - ասել է մարզիչը:

Հովհաննես Դավթյանը նաև ընդգծել է, որ կորոնավիրուսի բացասական ազդեցությունն իրենց մարզաձևում կրկնակի է զգացվել, քանի որ տարվա ընթացքում հավաքականի ուսումնամարզական հավաքները նախատեսված էին արտերկրում և չեն կայացել: Փորձելով հնարավորինս լրացնել բացը՝ դեկտեմբերի 14-ից առաջնության արդյունքներով ձևավորված ընտրանին ուսումնամարզական հավաք է անցկացնում Օլիմպավանում: Այն կտևի մինչև դեկտեմբերի 28-ը: