Այս առաջադրումը կատարել ենք հիմնավոր համոզմամբ և վստահությամբ․ Հայկ Կոնջորյան
ԱԺ արտահերթ նիստում «Քաղաքացիական պայմանագիր» խմբակցության ղեկավար Հայկ Կոնջորյանը, խոսելով գլխավոր դատախազի թեկնածու Աննա Վարդապետյանի մասին, նշեց, որ նա ունի մասնագիտական բարձր որակներ, որոնք ծառայեցնելու է օրենքի գերակայությանը:
«Մենք այս առաջադրումը կատարել ենք հիմնավոր համոզմամբ և վստահությամբ տիկին Վարդապետյանի ինչպես մասնագիտական որակների ու պրոֆեսիոնալիզմի, այնպես էլ մարդկային արժեքների ու առաքինության հանդեպ: Այս քննարկումը ևս վերահաստատում է մեր այդ համոզմունքը:
Ես միանշանակ ունեմ հավատամք, որ տիկին Վարդապետյանը, ընտրվելով ՀՀ գլխավոր դատախազ, իր լիազորությունների շրջանակում միանշանակ հավատարիմ է մնալու օրենքի սահմանած առաքելությանը»,- ասաց Կոնջորյանը:
Կոնջորյանը նաև նշեց, որ խորհրդարանը պատրաստ է Վարդապետյանի հետ արդյունավետ աշխատանքի և համագործակցության, երբ վերջինն ընտրվի գլխավոր դատախազ:
Կարծիքներ