Լավրովն ու Բլինկենը վիճել են Ուկրաինայի շուրջ
Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Էնթոնի Բլինկենը թեժ վիճել են Ուկրաինայում ստեղծված իրավիճակի շուրջ։ Այս մասին հաղորդում է ՏԱՍՍ-ը՝ հղում անելով Bloomberg-ին:
Նրա խոսքով, դեկտեմբերի 1-ին Ստոկհոլմում ԵԱՀԿ ԱԳ նախարարների խորհրդի նիստից առաջ կազմակերպված գալա ընթրիքի ժամանակ վեճ է տեղի ունեցել։ Միջոցառման ժամանակ Լավրովը ելույթ է ունեցել և ասել, որ 2014 թվականին Ուկրաինայում տեղի ունեցած իրադարձությունները պետական հեղաշրջում էին։ Բացի այդ, նա ասել է, որ ՆԱՏՕ-ն և Եվրամիությունը միտումնավոր ճնշում են այլախոհությունը և փորձում են վախեցնել Ռուսաստանին։
Ի պատասխան՝ ամերիկյան ԱԳՆ ղեկավարն ասել է, որ 2014 թվականին Կիևում խաղաղ ցուցարարների գնդակոծմանը մասնակցել են իբր Վիկտոր Յանուկովիչին հավատարիմ ուժերը, ինչպես նաև ընդգծել է, որ ՆԱՏՕ-ն պաշտպանական դաշինք է։
Վերջերս արեւմտյան երկրներում, ինչպես նաեւ Ուկրաինայում հայտարարություններ են արվում ուկրաինական տարածք Ռուսաստանի հնարավոր ներխուժման մասին։ ՌԴ նախագահի մամուլի քարտուղար Դմիտրի Պեսկովը նման տեղեկատվությունը դատարկ և անհիմն լարվածության սրացում է անվանել։ Պեսկովն ընդգծել է, որ Ռուսաստանը ոչ մեկի համար վտանգ չի ներկայացնում։ Միաժամանակ նա չի բացառել նման հայտարարություններն արդարացնելու համար սադրանքների հնարավորությունը, և զգուշացրել է, որ Ուկրաինայի հարավ-արևելքում ճգնաժամը ուժային ճանապարհով լուծելու փորձերը կունենան ամենալուրջ հետևանքները։
Պեսկովը նաև վստահեցրել է, որ Ռուսաստանը գործադրում է հնարավոր բոլոր ջանքերը՝ օգնելու Ուկրաինային լուծել Դոնբասում հակամարտությունը՝ հավատարիմ մնալով նորմանդական ձևաչափին և մինսկյան պայմանավորվածություններին։
Կարծիքներ