Ով է առաջատար Ռուսաստանի նախագահական ընտրություններում

Վլադիմիր Պուտինը ռեկորդային թվով ձայներով առաջատար է Ռուսաստանի նախագահական ընտրություններում:

Այս մասին հայտնի է դառնում Հասարակական կարծիքի ուսումնասիրման համառուսական կենտրոնի և «Հասարակական կարծիք» հիմնադրամի exit poll-ի տվյալներից։

Հասարակական կարծիքի հարցման համառուսաստանյան կենտրոնի տրամադրած ընտրողների հարցումների համաձայն՝ ՌԴ Կոմունիստական կուսակցության թեկնածուն ստացել է ձայների 4,6%-ը։ Երրորդ տեղը զբաղեցրել է «Նոր մարդկանց» թեկնածու Վլադիսլավ Դավանկովը՝ 4,2 տոկոսով։ Վերջին տեղում Լեոնիդ Սլուցկին է՝ 3%-ով։

«Հասարակական կարծիք» հիմնադրամը նույնպես ցույց է տվել էքզիթ փոլի տվյալները։ Ըստ FOM-ի՝ Պուտինը հավաքել է 87,8%, Խարիտոնովը՝ 4,7%, Դավանկովը՝ 3,6%, Սլուցկին՝ 2,5%:

Ըստ ՌԴ ԿԸՀ-ի՝ քվեաթերթիկների 24,4%-ը մշակելուց հետո Պուտինը հավաքել է ձայների 87,97%-ը։

ՌԴ նախագահական ընտրություններին մասնակցության ընդհանուր թիվը կազմել է 74,22%:

Հիշեցնենք, որ մարտի 17-ը ՌԴ նախագահական ընտրություններիերի քվեարկության վերջին օրն էր: Ռուսաստանի Դաշնության քաղաքացիներն ընտրել են պետության ղեկավարի պաշտոնի չորս թեկնածուներից մեկին: Նրանք են Լեոնիդ Սլուցկին, Նիկոլայ Խարիտոնովը, Վլադիսլավ Դավանկովը և Վլադիմիր Պուտինը, որը, ամենայն հավանականությամբ, կընտրվի ՌԴ նախագահ հինգերորդ ժամկետով: