Միջադեպ Նորաբաց գյուղում. մարմնական ծանր վնասվածքներ պատճառած տղամարդը ձերբակալվել է

Միջադեպ Նորաբաց գյուղում. մարմնական ծանր վնասվածքներ պատճառած տղամարդը ձերբակալվել է

Նոյեմբերի 28-ին Նորաբաց գյուղում տեղի ունեցած վիճաբանության ժամանակ երկու քաղաքացու մարմնական վնասվածք պատճառած տղամարդը ձերբակալվել է։ Այս մասին տեղեկացնում է ՀՀ ոստիկանությունը։

«Նոյեմբերի 28-ին «Էրեբունի» բժշկական կենտրոնից ոստիկանության Մասիսի բաժին ահազանգ էր ստացվել, որ կտրած-ծակած վերքերով բուժօգնության են դիմել 31 և 36 տարեկան երկու տղամարդ, որոնցից մեկը՝ մայրաքաղաքի, մյուսը՝ Նորաբաց գյուղի բնակիչ։ Հիվանդանոց մեկնած օպերատիվ խումբը պարզեց, որ նրանք մարմնական վնասվածքները ստացել են Նորաբաց գյուղի ճանապարհին մեկ այլ վարորդի հետ մեքենան վարելու հարցի շուրջ ծագած վեճի ընթացքում։

Միջադեպի ժամանակ տղամարդը, նախնական տվյալներով, բանալիով խփել էր նրանց ու հեռացել։

Ծանր մարմնական վնասվածք պատճառելու փաստով նախաձեռնվեց քրեական վարույթ։ Ձեռնարկված օպերատիվ-հետախուզական միջոցառումների արդյունքում կասկածվողը դեկտեմբերի 4-ին հայտնաբերվեց ու ձերբակալվեց։

Մայրաքաղաքում բնակվող 34-ամյա տղամարդը ներկայացվել է Մասիսի քննչական բաժին։ Հանգամանքները նախաքննությամբ պարզվում են»,-ասված է ոստիկանության հաղորդագրության մեջ։

Հետևեք մեզ նաև Տելեգրամում