«Բոկա Խունիորս»-ը ձեռք է բերել Նորբերտո Բրիասկո Բալեկյանի տրանսֆերը
Հայաստանի ֆուտբոլի ազգային հավաքականի հարձակվող Նորբերտո Բրիասկո Բալեկյանը տեղափոխվել է արգենտինական «Բոկա Խունիորս ակումբ:
Այս մասին հայտնում է «Բոկա Խունիորս» ակումբի մամուլի ծառայությունը: Բալեկյանը «Բոկա Խունիորս»-ի հետ կնքել է 4,5 տարվա պայմանագիր: Ակումբը 3.5 միլիոն եվրով գնել է հարձակվողի տրանսֆերի 80 տոկոսը:
«Շնորհակալություն բոլորին, ովքեր ինձ ջերմորեն ընդունեցին այս ակումբում: Ուզում եմ վայելել այստեղ խաղիս ամեն րոպեն»,-ասել է Բալեկյանը:
Նորբերտո Բրիասկո Բալեկյանը «Բոկա Խունիորս» է տեղափոխվել արգենտինական «Ատլետիկո Ուրական» ակումբից, որտեղ հանդես էր գալիս 2016 թվականից:
Կարծիքներ